ABŞ Gülənin ekstradisiyası ilə bağlı qrup yaratdı

Ölkə.Az "Milliyet" qəzetinə istinadən xəbər verir ki, ABŞ Fətullah Gülənin Türkiyəyə qaytarılması ilə bağlı danışıqlar aparmaq üçün Türkiyəyə 4 nəfərlik qrup göndərəcək.

Onlar avqustun 22-də Ankarada olacaq. Bu barədə Türkiyənin XİN başçısı Mövlut Çavuşoğlu məlumat verib.Onun sözlərinə görə, qrup üzvlərindən üçü ABŞ Ədliyyə Nazirliyinin, bir nəfər isə Dövlət Departamentinin əməkdaşıdır.

"Bu yalnız ABŞ-la Türkiyənin məsələsi deyil, bu prosesi artıq bütün dünya izləyir. Con Kerri və Co Bayden Türkiyəyə gəlmək istədiklərini bldiriblər. Onların səfəri başa çatdıqdan sonra biz Vaşinqtona gedəcək və Gülənin ekstradisyasına nail olmağa çalışacağıq", deyə nazir bildirib.

İlhamə
Ölkə.Az