Boliviyada şaxtaçılarla polis arasında toqquşma

Boliviyada şaxtaçılarla polis arasında toqquşma baş verib

Ölkə.Az Rusiya mediasına istinadən xəbər verir ki, Boliviyada hökumət qüvvələri ilə şaxtaçılar arasında baş verən toqquşmalarda 300 nəfər yaralanıb. Onlardan ən az 100 nəfəri polislərdir. Bu barədə ölkənin daxili işlər naziri Karlos Romero məlumat verib.

Şaxtaçılar kooperativlər haqqında qanuna dəyişikliklərin edilməsinə qarşı etirazlarını bildirirlər. Dəyişikliklərin nədən ibarət olması barədə məlumat verilmir. Onlar bir sıra magistral yolları bağlayıblar.

Polis nümayəndəsinin sözlərinə görə, şaxtaçılar onlarla hüquq-mühafizə orqanları əməkdaşını girov götürüblər. Onlar bir gün sonra sərbəst buraxılıblar. Avqustun 13-də etirazçılar həmçinin La Pas departamentində yolları müvəqqəti olaraq açmaq qərarına gəliblər.

İlhamə
Ölkə.Az