İŞİD-in Əfqanıstan və Pakistan lideri öldürüldü

Ölkə.Az Türkiyə mediasına istinadən xəbər verir ki, İŞİD-in Əfqanıstan və Pakistan lideri Hafiz Saidin 26 avqusta ABŞ-ın pilotsuz uçan aparatının endirdiyi hava zərbələri nəticəsində öldürüldüyü iddia olunur.

Xatırladaq ki, Hafiz Said əvvəllər "Taliban" terror təşkilatının üzvü olub. Bundan öncə bir neçə dəfə onun barəsində ölüm xəbərləri çıxsa da, xəbərlər özünü doğrultmamışdı.

Əfqanıstan və Pakistanın ABŞ-dakı səfirliyi bu xəbəri təsdiq etsə də, ABŞ ordusu tərəfindən bu məlumatla bağlı heç bir şərh verilməyib.

Hava hücumları nəticəsində İŞİD-in yüksək rütbəli komandirlərindən olan Malvi Əbdürrəhim Müslimdost və daha 30 terrorçunun öldürüldüyü bildirilir.

İlhamə
Ölkə.Az