16 il əvvəl qaraçılar tərəfindən oğurlanmış oğlan tapıldı

Ölkə.Az Rusiya KİV-lərinə istinadən xəbər verir ki, bu günlərdə Volqoqrad şəhərində hind filmlərini xatırladan hadisə baş verib.

Polis avtomobil dayanacağında park edilmiş maşınlardan birinin yük yerində gecələyən evsiz gənci saxlayıb. Sorğu-sual zamanı o, adının Vasya olduğunu və 16 il əvvəl qaraçılar tərəfindən qaçırıldığını söyləyib. Volqoqrad polisi məsələni araşadırmağa başlayıb. Polis bölmələrinə göndərilən sorğulara Rostov vilayətindən müsbət cavab gəlib.

Bildirilib ki, 16 il əvvəl Rostov vilayətinin Şaxtı şəhərində 6 yaşlı Vasya adlı oğlan yoxa çıxıb. İllər öncə onun axtarışları heç bir nəticə verməyib.

Vasya bildirib ki, qaraçılar onu Mixey adlandırıblar və heç kimlə əlaqə saxlamasına imkan verməyiblər. Oğlan oxuma-yazma bilmir, bütün bu illər ərzində dilənçiliklə məşğul olub.

Vasya ailəsinə qovuşmaq istəyini dilə gətirsə də bu mümkün olmayıb. Onun ata-anası uzun illər öncə ağır xəstəlik nəticəsində vəfat ediblər.Yaşadığı ev isə yanıb.

İndi Şaxt şəhərində yaşayan bir ailə onu hamiliyə götürüb. Polis Vasyanın sənədlərinin hazırlanması ilə məşğuldur.

İlhamə
Ölkə.Az