Fransada burkiniyə görə qanlı toqquşmalar başladı

Ölkə.Az Rusiya mediasına istinadən xəbər verir ki, Fransaya məxsus Korsika adasının Sisko şəhərində çimərlikdə mərakeşli qaçqınlarla şəhər sakinləri arasında ciddi toqquşmalar baş verib.

Çimərlikdəki turistlərdən biri suya burkini (müsəlman qadınlar üçün qapalı çimərlik geyimi) ilə girmiş qadının şəklini çəkmək istəyib. Onun yaxınları turistə hücum ediblər. Dava böyüyüb və qaçqınlarla çimərlikdəkilə arasında qarşıdurmaya çerilib. Elə həmin gün qaçqınların məskunlaşdığı məhəlləyə gələn şəhər sakinləri onları qovmağa qərar veriblər. Dava kütləvi xarakter alıb.

Hazırda polis qaçqınların məskunlaşdığı ərazini əhatə edib və vəziyyətə nəzarət etməyə çalışır. Polislər mərakeşlilərə evlərindən çıxmamağı tapşırıb. Şəhər sakinləri sakitləşmək bilmədən qaçqınları harda görsələr döyməyə çalışırlar.

İş o yerə çatıb ki, Korsika rəhbərliyi Parisdən miqrantlarla bağlı məsələni yoluna qoymağı xahiş edib. Əks halda Korsika müstəqilliyini elan etməyə və miqrant probleminə bu yolla son qoymağa hazırlaşır.

Xatırladaq ki, bir neçə gün öncə Fransanın Nitsa şəhərinin meri müsəlmanlara çimərlikdə burkini geyməyi qadağan etmişdi. O, bunu şəhər əhalisində terror qorxusunun yaranması ilə əlaqələndirmişdi.

İlhamə
Ölkə.Az