Klinton qələbə çalsa İŞİD-lə döyüşmək üçün qoşun göndərməyəcək

Ölkə.Az Ria Novosti agentliyinə istinadən xəbər verir ki, Demokratlar Partiyasından ABŞ prezidentliyinə namizəd Hillari Klinton bildirib ki, o, prezident seçiləcəyi təqdirədə İŞİD-lə mübarizə aparmaq üçün Suriya və İraqa quru qoşunları göndərmək niyyətində deyil.

"Donald Tramp deyir ki, İŞİD-i yer üzündən silmək üçün kişik qoşun hissəsi və yaxşı işləyən kəşfiyyat qrupu kifayətdir. O, Suriyaya qoşun göndərmək istəyir. Mən isə əsla! Tramp bildirir ki, onun Suriya və İraqa qarşı məxfi planı var. Əslində bütün məxvilik bundan ibarətdir ki, onun heç bir planı yoxdur",- deyə Klinton bildirib.

Qeyd edək ki, Obama Administrasiyası da dəflərlə koalisiya tərkibində hava zərbələri endirmələrinə baxmayaraq,İraq və Suriyaya quru qoşunlarının yerdilməyəcəyini bəyan edib.

İlhamə
Ölkə.Az