Sanksiyalar Kadırovun atına da təsir etdi

Avropa Birliyinin Rusiyaya və şəxsən Çeçenistan lideri Ramzan Kadırova qarşı tətbiq etdiyi sanksiyalar çeçen liderin atının qazandığı mükafata da təsirsiz ötüşməyib.

Kadırovun Zaza adlı atı yarışlarda qalib gəlsə də mükafata layiq görülməyib.

Belə ki, Almaniyanın Baden Badene şəhərində keçirilən at yarışlarında qalb gələn Kadırova təşkilatçılar 5 min avronu verməkdən imtina edib.

Qeyd edək ki, bu ilin iyul ayında Ramzan Kadırov Avropa Birliyinin Rusiyaya qarşı tətbiq etdiyi sanksiyalar siyhasına düşüb. Bunun əvəzində Çeçenistan lideri İnstagram səhifəsində özünün qara siyahısına düşən avropalı siyasətçilərin adlarını paylaşmışdı. Bu siyahıya ABŞ prezidenti Barak Obama, Avropa Komissiyasının sədri Joze Manuel Barrozu, Avropa Şurasının sədri Herman Van Rompey, Avropa Birliyinin Ali diplomatı Ketrin Eşton, Avropa parlamentinin nümayəndəsi Martin Şults daxildir. Kadırov bu şəxslərin Çeçenistana gəlməsini qadağan edib. (anspress)

Ölkə.Az