Qazaxıstanda Türkdilli Ölkələrin Ağsaqqallar Şurasının toplantısı keçirilib

Ölkə.az - Azərbaycan və dünya xəbərləri" target="_blank">Ölkə.Az "Anadolu" agentliyinə istinadən xəbər verir ki, Qzaxıstanda Türkdilli ÖlkələrinAğsaqqallar Şurasının 11-ci iclası keçirilib.

Şuranın baş katibi Ramil Həsənovun sədrliyi ilə keçirilən iclasa Türkiyə Ədalət və İnkişaf Partiyasının üzvü, deputat Mustafa İsen, Azərbaycan Milli Məclisinin deputatı Fəttah Heydərov, Qazaxıstan senatının keçmiş sədri Ail Əhmədov, qırğız yazıçısı Beksultan Cakiyev və başqaları qatılıb.

Ramil Həsənov çıxışı zamanı iyulun 15-də Türkiyədə baş vermiş dövlət çevrilişi cəhdi barəsində danışaraq bildirib ki, qardaş ölkələrin birliyinə və dostluğuna edilən hücum ümumilikdə türkdilli dövlətlərə edilən hücum deməkdir.

Daha sonra o qeyd edib ki, şuranın aldığı qərarlar tövsiyyə xarakteri daşıyır və şuraya üzv olan ölkələrin xarici işlər nazirlərinə, daha sonra dövlət başçılarının administrasiyalarına təqdim olunacaq.

İlhamə
Ölkə.az - Azərbaycan və dünya xəbərləri" target="_blank">Ölkə.Az