İŞİD Moskvada polis postuna hücumu öz üzərinə götürdü
İŞİD terror təşkilatı Rusiyanın Moskva vilayətindəki polis postlarından birinə hücumu öz üzərinə götürüb.
Ölkə.Az xəbər verir ki, bu haqda hüquq-mühafizə orqanlarındakı etibarlı mənbə məlumat verib.
Xatırladırıq ki, Moskva vilayətinin Balaşixa rayonundakı polis postuna 17 avqust tarixində odlu və soyuq silahla silahlanmış iki şəxs hücum etmişdi. Polislər hücum edənlərdən birini güllələyiblər. O biri şəxs isə yaxalanıb.
İnsident zamanı iki polis zabitinin yaralandığı bildirilir. Hücum edənlərin 21 yaşlı Usman Murdalov və 18 yaşlı Sulim İsrailov adlı çeçenlər olduğu məlum olub.
