Rusiyanın Türkiyəyə təqdim etdiyi 3 addımlı Suriya planı

Rəcəb Tayyib Ərdoğanla Vladimir Putinin görüşündən sonra ABŞ-ın Suriya böhranının həlli yolunda tutduğu ikili mövqe davam edərkən Rusiya, Türkiyə, İran və Hətta Səudiyyə Ərəbistanının münasibətlərində yaxınlaşma müşahidə olunmaqdadır.

Ölkə.Az Türkiyə mətbuatına istinadən xəbər verir ki, Rusiya tərəfi Suriya böhranının həlli üçün 3 addımlı hərəkət planını Türkiyə ilə razılaşdırıb.

Plan aşağıdakı maddələri nəzərdə tutur.

1. Şimali Suriyada Cerablus və Azez arasındakı bölgə Türkiyə və Rusiya qoşunlarının birgə fəaliyyəti ilə İŞİD-dən tamamilə təmizlənəcək.

2. Türkiyəyə sığınmış suriyalı qaçqınlar 2 il içində bu əraziyə yerləşdiriləcək.

3. Suriyanın ərazi bütövlüyünün qorunması şərti ilə federativ idarəçilik formulu önə sürüləcək, Suriyadakı etnik və məzhəb ayrıseçkiliyini aradan qaldıran bir təqvim hazırlanacaq.

Türkiyə buna qarşılıq olaraq Suriyada tam atəşkəs elan edilməsini istədiyini, bu mexanizmə Səudiyyə Ərəbistanının da daxil edilə biləcəyini qeyd edib.

İlhamə
Ölkə.Az