Yəməndə üsyançılar yeni dövlət yaradacaqlar

Yəməndə üsyançılar tərəfindən yaradılmış Ali Şuranın sədri Saleh əs-Səməd bəyan edib ki, üsyançılar çox yaxın zamanda Yəməndə öz hökumətlərini formalaşdıracaqlar.

Ölkə.Az Ria Novosti agentliyinə istinadən xəbər verir ki, bu barədə Livanın "Əl Mənar" telekanalı xəbər yayıb.

Qeyd edək ki, avqust ayında Küveytdə hökumət, husilər və eks prezident Əli Abdulla Saleh tərəfdarları arasında danışıqlar nəticəsiz başa çatdıqdan sonra ölkədə döyüşlər daha da kəskin hal alıb.

Səudiyyə Ərəbistanı başda olmaqla ərəb ölkələri koalisiyası 2015-ci ilin mart ayından Yəməndə hökuməti dəstəkləyir və üsyançılara hava zərbələri endirir.

İlhamə
Ölkə.Az