"Ərdoğan İŞİD-in bir nömrəli hədəfidir"

Ölkə.Az "Anadolu" agentliyinə istinadən xəbər verir ki, Türkiyənin xarici işlər naziri Mövlut Çavuşoğlu litvalı həmkarı Linas Linkevicius ilə birgə mətbuat konfransında maraqlı açıqlama verib.

O, bildirib ki, İŞİD-in ən böyük hədəfi Türkiyə prezidenti Rəcəb Tayyib Ərdoğandır.

"İŞİD-ə ən böyük zərbəni biz vurduq. İŞİD-in ideologiyasının öldürülməsində Türkiyə mühüm rol oynayıb.

Rəcəb Tayyib Ərdoğanın rolu çox böyükdür. Bu səbəbdən də İŞİD-in ilk hədəfi Ərdoğandır. Onlar İslamı təmsil edə bilməzlər", - deyə nazir vurğulayıb.

"İŞİD-ə qarşı yönəlmiş əməliyyatlara hər zaman dəstək verdik.

Türkiyə hər zaman İŞİD-in ilk hədəfi olub. Çünki biz bu terror təşkilatına xarici ölkələrdən gələn döyüşçü qaynağını məhv edirik. İŞİD-lə sonuna qədər mübarizə aparacağıq", - deyə o, əlavə edib.

İlhamə
Ölkə.Az