İran rus hərbçilərini Həmədan aviabazasından qovdu

İran Həmədan aviabazası barədə xəbərləri icazəsiz yaydığına görə Rusiyadan narazıdır.

Ölkə.Az Rusiya KİV-lərinə istinadən xəbər verir ki, İranın müdafiə naziri Hüseyin Dehqan Rusiyanın Tehranı xəbərdar etmədən Həmədan aviabazasından istifadə etməsi barədə xəbər yaymasından narazı qaldığını bəyan edib.

"Bu bəyanatın arxasında Rusiyanın öz gücünü nümayiş etdirmək, öyünmək istəyi və bizə qarşı hörmətsizliyi dayanır. İkincisi, Moskva bununla da Suriyada əməliyyatlarda önəmli oyunçu kimi görünmək, amerikalılarla danışmaq imkanı əldə etmək və Dəməşqin siyasi gələcəyinin təyin edilməsində iştirak etmək istəyir.

O, əlavə edib ki, rus təyyarələri Həmədən aviabazasından yanacaq doldurmaq üçün istifadə etmək istəyirdi. "Biz heç bir halda Həmədan aviabazasından Rusiyaya daimi istifadə haqqı verməyəcəyik. Onlar bura qalmaq üçün gəlməyiblər",- deyə İranın müdafiə naziri bildirib.

Bu gün məlum olub ki, Rusiya Həmədan hərbi bazasından istifadəni dayandırıb.

İlhamə
Ölkə.Az