Göydə doğulan uşağa göydəndüşmə təklif

Ölkə.Az Rusiya KİV-lərinə istinadən xəbər verir ki, Dubaydan Manilaya uçan təyyarənin əməkdaşları öz peşəkarlıqlarını bu dəfə ginekologiya sahəsində göstərməli olublar.

Belə ki, təyyarədə uçan hamilə qadının doğuş vaxtına xeyli qalsa da, onun doğuş sancıları başlayıb və təyyarənin ekipajı bu doğuşu qəbul etməli olub.

Hər şey yaxşı qurtarıb, dünyaya gələn balaca qıza Hayven adı verilib. Təyyarədəki sərnişinlərin hərəsi bir cür kömək edib və körpəni təyyarədə geyindirib, yediriblər. Daha sonra təyyarə Hindistana enib, ana ilə körpəsi xəstəxanaya yerləşdirilib.

Lakin balaca Hayvenin hədiyyələri bitməyib. Həyat onu gülərüz qarşılayıb. "Cebu Pacific Air" aviaşirkəti uşağa 1 milyon aviamil pulsuz uçuş vaxtı hədiyyə edib. Bu 108000 dollar dəyərində bilet və bütün dünyanı pulsuz gəzmək imkanıdır.

Bu hədiyyədən Hayvenin ailəsi də istifadə edə biləcək.

İlhamə
Ölkə.Az