Türkiyə Avstriyadakı səfirini geri çağırdı
Türkiyə ilə Avstriya arasında diplomatik böhran dərinləşir.
Ölkə.Az xəbər verir ki, dünən Avstriyanın paytaxtı Vyanada PKK tərəfdarlarının mitinqi keçirilib.
Mitinqin keçirilməsinə əvvəlcədən diplomatik kanallarla etirazını bildirən Ankaranın səyləri nəticə verməyib və dünən PKK tərəfdarları rahat surətdə Avstriya paytaxtında mitinq keçirərək öz təbliğatlarını aparıblar.
Məsələyə münasibət bildirən Türkiyənin XİN başçısı Mövlud Çavuşoğlu Avstriyanın bir tərəfdən müsəlmanları sıxdığını, İslam dininə qarşı siyasət yürütdüyünü, digər tərəfdən isə PKK kimi terror təşkilatını dəstəklədiyini deyib.
Türkiyə hökuməti Avstriyanın bu hərəkətinə etiraz olaraq özünün Vyanadakı səfirini geri çağırıb.
