Suriyada daha bir rus zabiti öldürüldü

Ölkə.Az Rusiya mediasına istinadən xəbər verir ki, Suriyanın Hələb şəhərində daha bir rus zabiti həlak olub.

Bu barədə "Dojd" telekanalına həlak olan zabitin qohumları məlumat verib.

"Onlar axşam yeməyi üçün əyləşib. Atışma yox imiş. Birdən partlayış olub, mənim oğlum və daha 8 nəfər yaralanıb", - deyə əsgərin anası bildirib.

Telekanal hərbçinin Qrodno şəhərində dəfn edildiyini bildirib.

Qeyd edək ki, Suriyada 20 rus zabitinin ölümü rəsmi şəkildə təsdiq edilib. Onlardan 14 nəfəri Rusiya prezidenti Vladimir Putinin Suriyada əməliyyatların əsas hissəsinin başa çatdığını elan etdikdən sonra həlak olub.

İlhamə
Ölkə.Az