Tailandda yenə terror aktı baş verdi

Ölkə.Az Rusiya mediasına istinadən xəbər verir ki, Tailandın Pattani vilayətində yerləşən kurortda bomba qoyulmuş avtomobil partladılıb.

Partlayış nəticəsində 1 nəfər ölüb, 29 nəfər yaralanıb. Ölən və yaralananların hansı ölkənin vətəndaşları olması barədə xəbər verilmir.

Pattani kurortu qərbdən gələn turistlər arasında məşhurdur. Turistlərin qaldığı "Southern" otelində yanğın başlayıb. Bəzi mənbələrin məlumatına görə, dalbadal iki partlayış törədilib.

Polis hadisənin beynəlxalq terror təşkilatları ilə əlaqəsinin olub-olmamasını araşdırır. Xatırladaq ki, avqustun 11-12-də Tailandda turizm mərkəzində partlayışlar olmuşdu, 4 nəfər ölmüş, onlarla insan yaralanmışdı.

İlhamə
Ölkə.Az