Türk ordusunun Suriyadakı əməliyyatları nə qədər davam edəcək?

Ölkə.Az Türkiyə mediasına istinadən xəbər verir ki, Türkiyə Hərbi Qüvvələrinin Suriyanın şimalında Cerablus rayonunda əməliyyatları bu ərazi İŞİD-dən tamamən təmizlənənə qədər davam edəcək.

Bu barədə çərşənbə günü Türkiyənin daxili işlər naziri Əfqan Əla məlumat verib.

"Biz bu əməliyyatı koalisiya qüvvələri ilə birgə qərar əsasında həyata keçiririk. Məqsədimiz Suriyada müxalifətə kömək göstərməkdir. Söhbət Türkiyəyə qarşı açıq təhlükədən gedir.

Dünən Türkiyə ərazisinə Suriyadan 9, bu gün isə bir mərmi düşüb. Biz daha buna dözə bilmərik və sərhədlərimizin təhlükəsizliyinin təmin edilməsi məqsədi ilə əməliyyat aparırıq. Regionda əhalinin təhlükəsizliyini təmin etmək üçün 6 kəndin sakinləri təxliyə edilib",- deyə Əfqan Əla söyləyib.

İlhamə
Ölkə.Az