Minsk sazişi qüvvədən düşüb

Minskdə əldə edilmiş razılaşmaların özünü doğrultmaq imkanları tükənib və bu saziş Ukraynanın ərazi bütövlüyünün bərpa edilməsi məsələsini həll edə bilmir.

Ölkə.Az Rusiya KİV-lərinə istinadən xəbər verir ki, bu bəyanatı Ukraynanın keçmiş prezidenti Leonid Kravçuk səsləndirib.

"Minsk sazişi artıq qüvvədən düşüb. Bu razılaşma işğal edilmiş ərazilərin azad edilməsi və bu ərazilərə, dövlət sərhədinə nəzarət kimi strateji vəzifəni həll etməyə qadir deyil. Minsk sazişi əvvəlcə effektiv idi. Lakin indi bu saziş dövlətin ərazi bütövlüyünü bərpa etmək gücündə deyil",- deyə Kravçuk bildirib.

"Mən ilk başda Minsk prosesini müsbət qiymətləndirirdim, o zaman tərəfləri danışıqlar masasına əyləşdirmək vacib idi, lakin indi bu saziş əhəmiyyətli dəyişikliklər edə bilməz. O həmçinin qeyd edib ki, Rusiyanın Ukrayna ilə açıq müharibəyə başlayacağına inanmır.

"Rusiya açıq müharibəyə başlasa, dünya birliyindən təcrid olunacaq, iqtisadi sanksiyalar onu dağıdar, Rusiya uzun müddət buna davam gətirə bilməz. Rusiyanın Ukraynaya qarşı hibrid müharibəsi şəraitində dünya birliyi işgüzar və iqtisadi məntiqi əsas götürərək hərəkət edəcək",- deyə eks prezident vurğulayıb.

İlhamə
Ölkə.Az