ABŞ-dan Cerablus əməliyyatı və Gülənlə bağlı

Ölkə.Az xəbər verir ki, ABŞ Dövlət Departamentinin mətbuat katibi Mark Toner jurnalistlərin Türkiyənin YPGPYD və İŞİD hədəflərini bombalaması ilə bağlı suallarını cavablandırarkən bitərəf mövqe sərgiləyib:

"Gərginliyin yüksəlməsini istəmirik. Bunu hər iki tərəfə xatırlatmaq istərdim ki, ortaq düşmən İŞİD-dir və ona qarşı mövqe tutmaq lazımdır. Biz Türkiyənin məsul şəxsləri ilə yanaşı Suriya Demokratiya Qüvvələri ilə də əlaqə saxlayırıq."

Jurnalistlərin Fətullah Gülənin qaytarılması ilə bağlı hər hansı dəyişikliyin olub-olmaması barədə sualını isə Mark Toner çox qəribə şəkildə cavablandırıb.

"Bununla bağlı yaradılan qrup artıq Türkiyədədir. Bu məsələ ilə bağlı onu deyə bilərəm ki, Türkiyə rəsmi şəkildə Gülənin geri qaytarılmasını tələb edib.

Lakin bu tələb hərbi çevriliş cəhdi ilə əlaqədar deyil". O, Türkiyənin təqdim etdiyi sənədin detalları barədə məlumat verməyəcəyini vurğulayıb. Sadəcə tələbin əllərinə keçdiyini deməklə kifayətlənib.

İlhamə
Ölkə.Az