Cerablusda 4 kənd İŞİD-dən azad edildi: 46 terrorçu məhv edildi

Ölkə.Az Türkiyə KİV-lərinə istinadən xəbər verir ki, Suriyanın Cerablus şəhərinə daxil olan Türkiyə Silahlı Qüvvələri 4 kəndi İŞİD-dən geri alıb.

Çobanbəy qəsəbəsinə artıq türk bayrağı sancılıb. 46 İŞİD terrorçusunun öldürüldüyü bildirilir. Türk tankları şəhərin içərisinə irəliləyərkən Suriya ilə sərhəddə yerləşən Kilis qəsəbəsindən də uzaq mənzilli toplarla İŞİD mövqelərinə zərbələr davam etdirilir.

KİV nümayəndələri Qaziantepin Oğuzeli qəsəbəsindən Suriya ərazisində atılan bombaların və qırıcı təyyarələrin səsinin eşidildiyini yazırlar. Qaziantepdə əsgəri bölmələrin yerləşdiyi bölgələrə nəqliyyatın hərəkəti qadağan edilib.

Türkiyə sərhəddindən 3 km. məsafədə yerləşən Kəklikcə, Kıvırcık, Əlvaniyə və Güğüncük kəndləri terroçulardan təmizlənib.

İlhamə
Ölkə.Az