Moskvada bank əməkdaşlarını girov götürmüş erməni təslim oldu

Moskvada bank binasını ələ keçirən erməni sahibkar təslim olub

Ölkə.Az Rusiya KİV-lərinə istinadən xəbər verir ki, Moskvanın mərkəzindəki Böyük Nikitinski küçəsində yerləşən "Sitibank"ın bir şöbəsinin əməkdaşlarını girov götürmüş erməni biznesmen Aram Petrosyan sonuncu, dördüncü girovu da azad edərək təslim olub. Bu barədə Rusiyanın Moskva üzrə Baş İstintaq İdarəsinin mətbuat xidməti məlumat verir.

"Şübhəli şəxs Moskva şəhəri üzrə Baş İstintaq İdarəsinin ərazi şöbələrindən birinə gətirilib. Hazırda baş verənlərlə əlaqədar istintaq aparılır. Zərərçəkmiş şəxslərin sorğusu artıq başa çatıb. İstintaq zamanı törədilmiş cinayətin hansı zəmində baş verdiyi aydınlaşdırılacaq",- deyə İstintaq Komitəsindən bildirilib.

Aram Petrosyan əlindəki partlayıcını polislərə təhvil verib və özünə qarşı mülayim münasibət göstərilməsini xahiş edib.

Hadisəylə bağlı cinayət işi açılıb. "Sitibank" polislər tərəfindən əhatə olunub.

Arom Petrosyanın iflas etmiş biznesmen olduğu bildirilir. Onun banka borcları yaranıb. Hadisəni də məhz bu problemlər üzündən törətdiyi bildirilir.

İlhamə
Ölkə.Az