ABŞ təyyarələri "Fərat qalxanı" əməliyyatına havadan dəstək verir

Ölkə.Az "Anadolu" agentliyinə istinadən xəbər verir ki, Pentaqon nümayəndəsi Adrian Ankin Hallouey Amerika aviasiyasının Cerablusda İŞİD-ə qarşı əməliyyatlarda iştirakını təsdiq edib.

"Onu deyə bilərəm ki, ABŞ Hərbi Hava Qüvvələrinə məxsus təyyarələr və pilotsuz uçan aparatlar bu əməliyyatlarda iştirak edirlər", - deyə Pentaqon nümayəndəsi vurğulayıb.

Jurnalistlərin Rusiyanın bu əməliyyatlarda iştirakına dair sualını isə Hallouey belə cavablandırıb: "İŞİD-ə qarşı beynəlxalq koalisiya öz əməliyyatlarını Rusiya Hərbi Kosmik Qüvvələri ilə kordinasiya etmir. ABŞ və Rusiya arasında Suriyanın hava məkanında uşuşların təhlükəsizliyinin təmin edilməsinə dair saziş mövcuddur. Rusların bu əməliyyatda iştirakı yalnız bundan ibarətdir".

İlhamə
Ölkə.Az