İtaliyada Milli Matəm günü elan edildi

Ölkə.Az xəbər verir ki, İtaliya Mülki Müdafiə Departamentinin məlumatına görə, ölkədə baş vermiş güclü zəlzələ nəticəsində ölənlərin sayı 247 nəfərə çatıb.

İtaliya hökuməti təbii fəalakət qurbanlarının xatirəsini yad etmək üçün ölkədə bir günlük matəm elan edib.

Yeraltı təkanlardan daha çox ziyan çəkmiş Amatriçe, Peskara-del-Tronto, Akkumoli və Arkuata şəhərlərində xilasetmə işlərinə 500 nəfərlik komanda cəlb edilib. İtaliyanın baş naziri Mateo Renzi dağıntılara məruz qalmış şəhərlərədə fövqəladə hal elan edildiyini bilirib. O, yüz minədək insanın evsiz qaldığını qeyd edib.

Xatırladaq ki, İtaliyada avqustun 24-nə keçən gecə, saat 03.36 -da 6,2 bal gücündə zəlzələ baş verib. Təkanlar 20 saniyə davam edib. Zəlzələnin episentri Romadan 116 km şimal-şərqdə, 10 km dərinlikdə yerləşib.

İlhamə
Ölkə.Az