Müxalifət lideri atışmanın ortasında qaldı

Kamal Kılıcdaroğlu polislə terrorçuların arasında qaldı

Ölkə.Az Türkiyə KİV-lərinə istinadən xəbər verir ki, Cümhuriyyət Xalq Partiyasının (CHP) sədri Kamal Kılıçdaroğlunun avtomobil karvanı Artvində polislə terrorçular arasındakı atışmanın ortasında qalıb.

CHP lideri bu gün səhər saatlarında əvvəlcə Qars şəhərinə, ordan da Artvinə gedib. Artvinin Şavşat şəhərində partiya üzvləri qarşısında çıxış etdikdən sonra o, Artvinə doğru yola çıxıb.

Vilayətin Ardanuç rayonunun Yanıklı kəndi ərazisində yolda barikada qurulduğunu müəyyən edən polislər təhlükəsizlik məqsədi ilə Kamal Kılıcdaroğlunun avtomobil karvanını dayandırıblar. Partiya liderinin avtomobili polis mühafizəsinə alınıb və daha sonra təhlükəsiz əraziyə aparılıb. Polislə terrorçular arasında atışma baş verib. Atışma nəticəsində xəsarət alan olmayıb.

Kamal Kılıcdaroğlunun köməkçilərindən biri jurnalistlərə bu hücumun məhz CHP liderinə yönəlmiş olmadığını söyləyib.

Lakin bəzi mənbələr Kamal Kılıcdaroğlunun Artvinə gələcəyinin əvvəldən elan edildiyini, naməlum terrorçuların da ona qarşı hücum planı hazırlaya biləcəyi ehtimalını səsləndiriblər.

İlhamə
Ölkə.Az