Kolumbiya hökuməti və üsyançılar arasında sülh bağlandı

Ölkə.Az Rusiya KİV-lərinə istinadən xəbər verir ki, Havanada Kolumbiya hökumət rəsmiləri ilə Kolumbiya İnqilabi Silahlı Qüvvələri ( FARC) arasında tarixi saziş imzalanıb.

Hökumət nümayəndələri və FARS rəhbərliyi bəyan edirlər ki, Kolumbiyada təxminən 50 il davam edən münaqişəyə son qoyulması, sabit və uzunmüddətli sülhə nail olunması üçün yekun və hərtərəfli saziş əldə olunub.

Yekun saziş Kolumbiya nümayəndə heyətinin rəhbəri Umberto Dela Kalle və FARS-ın sözçüsü İvan Markes tərəfindən imzalanıb. Kubada sülh sazişinin imzalanması münasibəti ilə xüsusi mərasim təşkil edilib.

Kolumbiya hakimiyyəti 2002-ci ildən "Kolumbiyanın İnqilabi Silahlı Qüvvələri” təşkilatına qarşı mübarizə aparır.

ABŞ Dövlət Departamenti FARC-ı terrorçu təşkilatlar siyahısına daxil edib və Kolumbiyaya hərbi dəstək verib.

İlhamə
Ölkə.Az