Mosulun 60 kilometrliyindəki Kayara şəhəri İŞİD-dən təmizləndi

İraqın baş naziri Kayara şəhərinin azad olunmasını vacib qələbə adlandırdı

Ölkə.Az "Anadolu" agentliyinə istinadən xəbər verir ki, İraqın baş naziri Heydər əl-İbadi Kayara şəhərinin İŞİD terrorçularından azad edilməsini vacib addım kimi qiymətləndirib.

Baş nazir təhlükəsizlik qüvvələrini strateji əhəmiyyət daşıyan Kayara şəhərinin azad edilməsi münasibəti ilə təbrik edib.

"Bu şəhərin bizim nəzarətimiz altına keçməsi Mosulun azad edilməsi istiqamətində çox vacib addımdır. 2016-cı il xilas və qələbə ili olacaq",- deyə baş nazir vurğulayıb.

Xatırladaq ki, dünən İraq ordusu iki günlük mühasirədən sonra Mosul şəhərindən 60 km. cənubda yerləşən Kayara şəhərini İŞİD terrorçularının işğalından azad edə bilib. Şəhər hər tərəfli mühasirə olunub. Kayarada qalan bütün terrorçular son nəfərinədək məhv edilib.

İlhamə
Ölkə.Az