Arvadının meyidini 12 kilometr çiynində daşıdı

Ölkə.Az Türkiyə mediasına istinadən xəbər verir ki, Hindistanın Orissa vilayətində yaşayan Dana Majhinin həyat yoldaşı Amanq aparıldığı xəstəxanada vərəm xəstəliyindən ölüb.

Dana Majhi yaşadığı kəndin 60 kilometr uzaqda olduğunu və cənazəni aparmaq üçün pulunun olmadığını xəstəxananın əməkdaşlarına bildirsə də, tibb müəssisəsi meyidi aparmaq üçün ona kömək etmək istəməyib. Əlacsız qalan Majhi arvadının cənazəsini örtüyə bükərək çiynində aparmalı olub.

Bu ağrı-acılı yolçuluqda 12 yaşlı qızı da ona yolaşlıq edib. 12 kilometr getdikdən sonra qarşılarına çıxan insanların xəstəxanaya zəng vuraraq kəskin etiraz bildirmələri xəstəxana rəhbərliyinin ürəyinə insaf salıb və onlar ambulans göndəriblər.

Kəndə gətirilən meyid hindistanlıların ənənəsi üzrə yandırılıb.

İlhamə
Ölkə.Az