\"Zika\" virusu xəstəlik simptomları olmayan şəxslərdən belə yayıla bilir

Həkimlər "Zika" virusunun xəstəliyin simptomları olmayan şəxslərdən bellə cinsi yolla ötürülə biləcəyi qənaətinə gəliblər.

Ölkə.Az Rusiya KİV-lərinə istinadən xəbər verir ki, "Zika"nın cinsi yolla yoluxması faktı ilk dəfə ABŞ-ın Merilend ştatında qeydə alınıb. Qeyd edilir ki, Merilend ştatında yaşayan qadın Dominikan Respublikasından qayıtmış həyat yoldaşı ilə cinsi aktdan sonra "Zika" virusuna yoluxub. Onun əri səyhət zamanı virusa yoluxsa da xəstəlik özünü biruzə verməyib.

Daha öncə həkimlər bu xəstəliyin simptomlarının üzə çıxdığı şəxslərdən digərlərinə yoluxması qənaətinə gəlmişdilər.

Son zamanlar aşkarlanan faktlar isə "Zika"nın hiss olunmadan yayıldığını və əslində təsəvvür ediləndən daha qorxulu olduğunu üzə çıxardı. Ümumdünya Səhiyyə Təşkilatı (ÜST) bu xəstəliyi qlobal təhlükə elan edib. Hələlik "Zika"nın peyvəndi tapılmayıb. ÜST bütün ölkələri qan donor banklarında təkrar analizlər aparmağa çağırıb.

İlhamə
Ölkə.Az