Kaliforniyada neft emal edən zavodda dəhşətli partlayış

Ölkə.Az Rusiya KİV-lərinə istinadən xəbər verir ki, Kaliforniyada "Tesero" şirkətinə məxsus böyük neft emalı zavodunda yanğın baş verib. Karson şəhərində yerləşən müəssisədə neft məhsulları saxlanılan çən partlayıb. Daha sonra dəhşətli yanğın başlayıb.

Hadisə şahidləri partlayışdan sonra havada kimyəvi buludun yarandığını görüblər. Yanğını söndürmək üçün çoxlu sayda briqadalar cəlb edilir. Ölən və xəsarət alanlar barəsində dəqiq məlumat yoxdur.

Şəhər rəhbərliyi partlayış zonasından 40 km radiusda yerləşən hər kəsə evlərindən çıxmamağı tapşırıb. Hələlik qəzanın səbəbi məlum deyil. Şirkət rəhbərliyi havanın vəziyyətinə nəzarət edildiyini söyləyərək, hələlik təhlükəli toksinlərin qeydə alınmadığını bildiriblər.

İlhamə
Ölkə.Az