ABŞ-dan Suriya kürdlərinə növbəti
ABŞ-ın dövlət katibi Con Kerri Rusiyanın XİN başçısı Lavrovla görüşündən sonra kürdləri şoka salan açıqlama verib.
Ölkə.Az xəbər verir ki, Suriya probleminin həlli üçün görüşən Kerri və Lavrov artıq bir çox məsələlər ətrafında razılığa gəlindiyini bildiriblər.
Kerrinin verdiyi bəyanat isə Suriyadakı kürd terror qruplaşması olan PYD/YPG-nin rəhbərlərini şoka salıb.
Belə ki, Suriya kürdlərinin müstəqillik xəyalı qurduğu və ABŞ-ın bu məsələdə onlara dəstək verəcəyinə ümid bəslədikləri bir dövrdə Kerrinin Vaşinqtonun Suriyanın ərazi bütövlüyünü tanıdığı haqqındakı bəyanatı onları məyus edib.
Xatırladırıq ki, Suriyada Əsəd rejimini devirmək istəyən ABŞ və müttəfiqləri bu məsələdə uğursuz olduqlarını dərk edəndən sonra bu ölkədə vəziyyətə nəzarəti qismən əllərində saxlamaq üçün özlərinə loyal xırda silahlı qruplar yaratmağa başladılar.
İŞİD-in nəzarətdən çıxması və Suriya silahlı müxalifətinin getdikcə zəifləməsi YPG-nun rolunu artırdı və fürsəti fövtə verməyən Birləşmiş Ştatlar Türkiyənin etirazlarına baxmayaraq bu kürd terror təşkilatını öz himayəsi altına aldı. Kürdlərə pul və silah yardımı edən ABŞ onlara "müstəqil kürdüstan" sözü də vermişdi. İndi isə Kerrinin belə bəyanatı kürdlərin amerikalılara nə üçün lazəm olduqlarını bir daha ortaya çıxardı.
