Odessada kütləvi etirazlar

Ölkə.Az "İtar-Tass" agentliyinə istinadən xəbər verir ki, Odessanın Loşinovka kəndində yerli sakinlərlə burada məskunlaşmış qaraçılar arasında qarşıdurma baş verib.

Buna səbəb 9 yaşlı qızın qaraçı gənc tərəfindən zorlanaraq öldürülməsi olub.

Kənd sakinləri burda qaraçıların ərazini tərk etməsini tələb edərək onların evlərinə hücum ediblər. Nəticədə kütləvi qarşıdurmalar baş verib. 12 qaraçı ailəsinin yaşadığı 6 ev darmadağın edilib. Kənddə toqquşmanın qarşısını almaq üçün ora xüsusi təyinatlı polis dəstəsi yerləşdirilib. Cinayəti törədən qaraçı oğlan günahını etiraf etməsə də, bütün dəlillər onun əleyhinədir.

Məsələyə münasibət bildirən Odessa qubernatoru Mixeil Saakaşvili Loşinovka kənd sakinlərinin qəzəbini anladığını bildirərək onlara haqq qazandırdığını ifadə edib. Qubernatorun sözlərinə görə, qaraçılar Loşinovkanı əxlaqsızlıq yuvasına çevirərk, burda insan və narkotik alveri ilə məşğul olublar.

Saakaşvili bu məsələni kökündən həll etmək üçün vilayət daxili işlər idarəsinin rəisini əraziyə ezam edib. İğtişaşlardan sonra qaraçıların Loşinovkanı təhlkəsiz şəkildə tərk etməsi üçün "yaşıl dəhliz " açılıb. Onlar artıq kəndi tərk ediblər.

İlhamə
Ölkə.Az