Fransada iki müsəlman qadın restorandan qovuldu

Ölkə.Az Rusiya mediasına istinadən xəbər verir ki, Paris yaxınlığında yerləşən "Le Cenacle" adlı restoranın sahibi Jan Batist restorana daxil olan iki müsəlman qadını qovub.

O, qadınlara bildirib ki, bütün müsəlmanlar terrorçudurlar və onlar restoranda otura bilməzlər.

Qadınların şikayəti əsasında yerli müsəlman icması etiraz aksiyası keçirib. Onlar Jan Batistdən üzr istəməyi, bunu etməyəcəyi təqdirdə restoranı bağlamağı tələb ediblər.

Məsələyə polis müdaxilə edib. Araşdırmalar zamanı Jan Batist özünə haqq qazandırmaq üçün "Bataklan"da baş vermiş terror aktı zamanı yaxın dostunun öldüyünü və bunun onun psixologiyasına ağır təsir etdiyini bildirib.

Xatırladaq ki, keçən ilin noyabr ayında parisin "Bataklan" konsert salonunda terror aktı törədilmiş, hadisəyə görə məsuliyyəti İŞİD terror təşkilatı öz üzərinə götürmüşdü.

İlhamə
Ölkə.Az