\"Putin Türkiyəyə getməyəcək\"

Kremlin mətbuat katibi Dmitri Peskov Vladimir Putinin avqustun 31-də Rusiya-Türkiyə futbol komandalarının yoldaşlıq görüşünə tamaşa etmək üçün Türkiyəyə getməyəcəyini açıqlayıb.

Ölkə.Az xəbər verir ki, o, jurnalistlərin sualını cavablandıraraq bildirib ki, "komandamızın oyununu uzaqdan dəstəkləyəcəyik".

D. Peskov Putinin Antalyaya səfər planının olmadığını söyləyib.

Qeyd edək ki, bir-neçə gün öncə Rusiya və Türkiyə mediasında Vladimir Putinin avqustun 31-də Antalyada keçiriləcək futbol oyununu izləmək üçün prezident Rəcəb Tayyib Ərdoğanın dəvəti ilə Türkiyəyə səfər edəcəyi barədə xəbərlər yer almışdı.

İlhamə
Ölkə.Az