ABŞ-dan sərt Türkiyə açıqlamasına qardaş ölkədən cavab gecikmədi
Türkiyə baş nazirinin müavini Numan Kurtulmuş ABŞ prezidenti Barak Obamanın İŞİD-lə mübarizə məsələləri üzrə şəxsi nümayəndəsi Bret Makqurkun (Brett McGurk) "İŞİD olmayan bölgədə PYD-yə müdaxilə qəbulolunmazdır" bəyanatına fikir bildirib.
Bu barədə Ölkə.Az Türkiyə mətbuatına istinadən xəbər verir. İstanbulda bir qrup jurnalistlə görüşən Numan Kurtulmuş bildirib:
"ABŞ, Türkiyənin bu məsələdə həssas olduğunu bilir. Bizə bir söz verilib. PYD Fərat çayının qərb tərəfində olmayacaq. ABŞ-ın PYD-yə təsir göstərməsini gözləyirik. Türkiyə Suriyadan gələcək heç bir hücuma tamaşaçı qala bilməz. Bütün ərazi tək bir təşkilatın, PYD-nin əlinə keçərsə Suriya bölünər. Biz Suriyanın ərazi bütövlüyünün tərəfdarıyq", - deyə nazir müavini qeyd edib.
O, həmçinin əlavə edib ki, Türkiyəyə verilən sözlərdən biri də PYD-nin Minbici boşaltmasıdır.
İlhamə
