Almaniyada 9 min miqrant uşaq itkin düşüb

Bu ilin əvvəlindən Almaniyada 9 min miqrant uşaq itkin düşüb

Ölkə.Az "Anadolu" agentliyinə istinadən xəbər verir ki, bu ilin əvvəlindən Almaniyada 9 minə yaxın miqrant uşaq itkin düşüb.

Bu barədə Almaniyanın "Neue Osnabruecker Zeitung" qəzeti Federal Kriminal Polisin məlumatına əsasən xəbər yayıb.

2016-cı ilin yanvar ayından Almaniyada itkin düşən miqrantların sayı bir yarım dəfə artaraq 8991 nəfərə çatıb. Yanvar ayında 4749 miqrant uşaq yoxa çıxıb.

İtkin düşənlərdən 8046 nəfərin 14-17, 867 nəfərin 13 yaşdan kiçik, 78 nəfər 18- yaşdan yuxarı yaş qruplarına aid olduğu bildirilir.

Kriminal polisin itkin düşənlərin hamısının cinayətkarların əlinə keçdiyinə dair dəlilləri yoxdur. Bəzən bu uşaqların Almaniyanın başqa şəhərlərində və ya Avropa ölkələrində yaşayan qohumlarının yanına getdiyi məlum olur.

İlhamə
Ölkə.Az