Amerikalı jurnalist Türkiyədə öldü

30 yaşlı müxbir və onun operatoru Cuddi İrişi aparan avtomobil Şanlıurfa ərazisində qəzaya uğrayıb.

Ölkə.Az Türkiyə KİV-nə istinadən xəbər verir ki, İŞİD və Suriyanın Kobani şəhərindəki kürd yaraqlılarının döyüşünü izləmək məqsədi ilə bölgədə olan iran əsilli amerikalı jurnalist Serana Şim yol qəzasında həyatını itirib.

İranın ingilis dilində yayımlanan “Press Tv” telekanalının müxbiri Serana Şim dünən verdiyi açıqlamada Türkiyə hökumətinin jurnalistlərin işlərini görməyə mane olduğunu söyləyib. O, həmçinin rəsmi Ankaranın onu türk müxalifətinə casusluq etməkdə günahlandırdığını qeyd edib.

Məsələnin şübhəli tərədi isə məhz bu sözlərdən sonra, dünən gecə 30 yaşlı müxbir və onun operator Cuddi İrişi aparan avtomobilin Şanlıurfa ərazisində qəzaya uğramasıdır. Serana Şim hadisə yerində həyatını itirib, onun operatoru isə xəstəxanaya çatdırılıb.

Rəşid Mustafazadə

Ölkə.Az