Estoniya ikinci mərhələdə də prezident seçə bilmədi

Ölkə.Az Rusiya KİV-lərinə istinadən xəbər verir ki, Estoniya parlamenti ikinci turda da ölkə prezidentini seçə bilməyib.

Bununla əlaqədar prezident seçkilərinin üçüncü mərhələsi keçiriləcək. Xatırladaq ki, Estoniyada prezident seçkilərinin ikinci mərhələsi dünən keçirilib.

Estoniyada dövlət başçısını parlament seçir. Qanuna görə, ali dövlət vəzifəsinə namizəd deputatların səslərinin azı üçdə ikisini toplamalıdır.

Birpalatalı Estoniya parlamentində 101 deputat var. Namizədlərdən heç biri kifayət qədər səs toplaya bilməsə, dövlət başçısının seçimi məsələsi seçkiçilər kollegiyasına keçir.

Kollegiya deputatlardan və yerli özünüidarə orqanlarının 367 nümayəndəsindən ibarətdir.

İlhamə
Ölkə.Az