Özbəkistanda bayram təntənələri ləğv edildi

Ölkə.Az "BBC"yə istinadən xəbər verir ki, Özbəkistanda sentyabrın 1-də Müstəqillik Günü münasibəti ilə keçiriləcək təntənəli mərasim ləğv edilib.

Sentyabrın biri artıq 25 ildir Daşkənddə rəsmi dövlət bayramı kimi qeyd edilir.

Dövlət rəsmiləri bunun prezident İslam Kərimovun xəstəliyi ilə əlaqədar olub-olmamasını açıqlamayıblar.

Xəbər verildiyi kimi , 78 yaşlı Özbəkistan prezidenti avqustun 27-də insult keçirib. O, hazırda reanimasiyada müalicə alır.

Bu gün prezidentin ölümü barədə KİV-lərdə yayılmış xəbərlər Özbəkistan Prezident Aparatı və Nazirlər Kabineti tərəfindən təkzib edilib.

İlhamə
Ölkə.Az