\"ABŞ Türkiyəyə verdiyi sözün üstündə durmasa, çox peşman olacaq\"

ABŞ-ın Ankaradakı keçmiş səfiri Ceyms Ceffri Ağ Evə müraciət edərək "Türklərə verdiyiniz sözün üstündə durmasanız, tezliklə peşman oalcaqsınız" deyib.

O, BBC telekanalında iştirak etdiyi bir proqramda Türk Silahlı Qvvələrinin Suriyanın Cerablus şəhərində həyata keçirdiyi hərbi əməliyyatlara dair sualları cavablandırıb.

Ceffri İŞİD-in həm ABŞ, həm də Türkiyə üçün real təhdid olduğunu dilə gətirərək PKK-nın Suriyadakı qolu olan və əsasən də ərəblərin çoxluq təşkil etdiyi bölgələri ələ keçirməyə çalışan PYD-nin isə Türkiyə üçün daha təhlkəli olduğunu vurğulayıb.

O, Obamanın hazırda İŞİD-ə qarşı mübarizə apardığı üçün PYD-ni dəstəklədiyini, lakin PYD-nin də tək hədəfinin İŞİD olmadığını, şimalda özünə məxsus buir ərazi yaratmaq istədiyini deyərək qeyd edib ki, türklər həm İŞİD həm də PYD ilə mübarizə aparmağa məcburdurlar. ABŞ ən azından rəsmi olaraq Türkiyənin bu fəaliyyətini dəstəklədiyini elan edib.

ABŞ rəhbərliyinin Cerablusun cənubundakı əməliyyatları dəstəkləmədiyinə dair bəyanatlar səsləndirməsini şərh edən Ceffri " Prezidentin köməkçisi Cozef Bayden Ankarada çox açıq bir bəyanat verdi, bildirdi ki, kürdlər Fərat çayının şərqində qalacaqlar və çayın qərbindəki torpaqları ələ keçirməyə çalışmayacaqlar. Türklər bunu qəbul etdi, lakin PYD şərqə çəkilmədi. ABŞ sözünün üstündə durmalıdır. Mən 35 illik siyasi təcrübəmə əsaslanaraq deyə bilərəm ki, türklərə verdiyiniz sözü tutmasanız çox tezliklə peşman olacaqsınız", deyə vurğulayıb.

İlhamə
Ölkə.Az