Məşhur müğənni haqda saxlanılma qərarı verildi
Türkiyədə FETÖ ilə bağlı aparılan istintaq tədbirləri çərçivəsində məşhur müğənni və köşə yazarı Atilla Taş da saxlanılıb.
İstanbul Baş Prokurorluğu tərəfindən 35 nəfərin saxlanması barədə qərar verilib. Onlardan 9-u saxlanılsa da, Atilla Taş da daxil olmaqla 26 nəfər axtarışlara baxmayaraq tapılmayıb.
Evində tapılmayan müğənni sosial şəbəkədə “Haqqımda saxlanılma qərarı olsaydı, hər halda xəbər verərdilər. Qaçaq filan deyiləm. Qaçmaq, qorxmaq üçün heç bir səbəbim də yoxdur. Yerim-yurdum bəllidir. İfadəni harda verməliyik, deyin, elə indi gəlim. Mənim ölkəmə qarşı tək bir xəyanətimi tapsalar, özümü elə o an asaram! Ürəyim rahat, başım dik, alnım təmizdir. İstəyirsiz gəlin aparın, ya da özüm gəlim” deyə yazıb. (qafqazinfo)
