ABŞ universitetində İŞİD üzvünü işə götürdülər

Ölkə.Az Rusiya KİV-lərinə istinadən xəbər verir ki, Amerikanın Corc Vaşinqton Universtetində İŞİD terror təşkilatının üzvü olmuş Cessi Morton milli təhlkəsizlik məsələləri üzrə ekspert qismində işə götürülüb.

Universitetin kiber, milli təhlükəsizlik və ekstremizm məslələri üzrə mərkəzinin direktoru Ceyms Hyus bildirib ki, terror təşkilatında fəaliyyət göstərərkən Yunus Abdulla Məhəmməd adı ilə tanınan Cessi Mortan terrorçuların fikirlərini daha yaxşı anlamağa kömək edəcək.

"Biz radikalizm yoluna qədəm qoymuş insanlarla necə münasibət qurmağı, gəncləri bu yoldan necə çəkindirməyi bilmirik. Cessi onların içərisində olub və o aləmin içərisindən çıxmış insandır. Mortonu işə götürməzdən öncə mən bu məsələni FTB və digər aidiyyatı qurumların nümayəndələri ilə müzakirə etmişəm. Yeni əməkdaşımıza tamamilə etibar edirəm", deyə Hyus bildirib.

İlhamə
Ölkə.Az