ABŞ: Türk ordusu ilə kürdlər arasında atəşkəs elan olundu

Ağ Evin mətbuat katibi Coş Ernest bəyan edib ki, Türkiyə Silahlı Qüvvələri ilə Suriyada İŞİD-ə qarşı döyüşən suriyalı kürd qruplaşmalar arasında döyüşlər dayanıb.

ABŞ Dövlət Departementinin sözçüsü Con Kirbi də son 12-18 saatda Türkiyə Silahlı Qüvvələri ilə kürd qruplar arasında döyüş olmamağından ölkəsinin məmnun olduğunu ifadə edib.

Kirbi kürdlərin Fəratın şərqinə çəkildiklərini də qeyd edib.

Türkiyə tərəfi PYD/YPG terrorçuları ilə atəşkəs razılaşması əldə olunduğuna dair Qərb mətbuatının yazdıqlarını nə təsdiq, nə təkzib edib. Yerli media Suriya ilə sərhəddə yerləşən Karkamış qəsəbəsinə əlavə hərbi texnika və canlı qüvvənin gətirildiyini yazır.

İlhamə
Ölkə.Az