Leonardo di Kaprio FTB tərəfindən sorğuya çəkildi

Ölkə.Az "Vatan" qəzetinə istinadən xəbər verir ki, Hollivud ulduzu, "Oskar" mükafatı laureatı Leonardo De Kaprio ABŞ Federal Təhqiqatlar Bürosuna çağırılaraq sorğuya çəkilib.

Buna səbəb Kaprionun təsis etdiyi ətraf mühiti mühafizə fonduna Malayziya bankları vasitəsi ilə köçürülən pullar olub. Araşdırmalar zamanı aktyorun baş rol oynadığı "Uol Strit canavarları" filmini çəkən "Red Granite" şirkətinin sahiblərindən biri Co Lounun "çikli" pulların yuyulması məqsədi ilə "I MDB Malezya" adlı fond vasitəsi ilə Leonardonun fonduna pul köçürməsi ortaya çıxıb.

3,5 milyard dollar məbləğində vəsaitin 1 milyard dollarının ABŞ-da "yuyulması" iddiası FTB-ni hərəkətə keçirib və bu məqsədlə tanınmış ulduz da sorğuya çəkilib.

Leonardaya qarşı hər hansı iddia irəli sürülmür, ondan sadəcə bu vəsaiti onun fonduna hədiyyə etmiş şəxsin qara əməlləri barədə xəbərdar olub-olmadığı soruşulub.

Qeyd edək ki, Leonardo Di Kaprio Malayziyadakı meşə sahələrinin qırılmasına etirazını bildirmək üçün 6 ay öncə bu ölkəyə səfər etmişdi. Malayziyada fəaliyyət göstərən "Bruno Manser" ətraf mühiti mühafizə dərnəyi aktyora müraciət edərək FTB-nin araşdırma mövzusu olan o pulu geri verməyə çağırmışdı. Bu müraciət açıq məktub şəklində edildiyinə görə FTB-nin də diqqətindən yayınmayıb.

İddialara görə, 2013-cü ildə aktyorun təsis etdiyi dərnəyə "Kristi" hərrc evindən də külli miqdarda vəsait transfer edilib.

İlhamə
Ölkə.Az