Putin xəstəxanada olan Kərimovu təbrik etdi
Rusiya prezidenti Vladimir Putin özbək həmkarı İslam Kərimovu Müstəqillik Günü münasibətilə təbrik edib.
Putin təbrik məktubunda bildirib ki, Özbəkistan 25 il ərzində sosial-iqtisadi, elmi-texniki və humanitar sahələrdə mühüm addımlar atıb.
Rusiyalı lider Moskva ilə Daşkənd arasında münasibətlərin müsbət istiqamətdə inkişaf edəcəyini də əminliklə vurğulayıb: “Hörmətli İslam Kərimov, sizə ürəkdən can sağlığı, firavanlıq və uğurlar arzulayıram”.
Xatırladaq ki, 78 yaşlı Özbəkistan prezidenti avqustun 27-də xəstəxanaya yerləşdirib. Qızı Lola Kərimova atasının beyin qanaması keçirdiyini bildirmişdi. İslam Kərimovun ölüm xəbəri belə yayılmışdı, lakin prezident aparatındakı mənbə “Ria Novosti”yə açıqlamasında xəbəri təkzib etmişdi. (qafqazinfo)
