Tramp artıq prezidentlərlə görüşür

Ölkə.Az "BBC"yə istinadən xəbər verir ki, dünən Mexikoda Meksika prezidenti Enrike Penya Neto ilə ABŞ prezidentliyinə namizəd Donald Trampın görüşü olub.

Görüş zamanı Meksika ilə ABŞ arasında sərhəd divarının çəkilməsi və bu divarın tikintisinin maliyyyəllədirilməsiə məsələsi əsas müzakirə mövzusu olub.

Belə ki, Meksika prezidenti Trampın "divarın tikintisinin maliyyələşdirilməsi Meksika tərəfindən qarşılanmalıdır" ideyasını qəbul etməyib. O, Meksikanın bu vəsaiti ödəməyəcəyini qətiyyətlə bir daha bəyan edib. "Mən Trampa açıq şəkildə söylədim ki, Meksika tikinti xərclərini öz üzərinə götürməyəcək",- deyə prezidenti öz Twitter səhifəsində yazıb.

Donald Tramp dəfələrlə Meksika ilə ABŞ arasında sərhəd divarının çəkilməsi təklifini irəli sürüb. Onun fikirinə görə divarı Meksika tərəfi çəkməlidir, əks halda Meksika vətəndaşlarına ABŞ-da yaşamaöa və işləməyə icazə verilməməlidir.

Hər dəfə meksikalıları "cinayətkar və narkomanlar" adlandıran Donald Tramp bu dəfə onları gözəl və zəhmətkeş xalq kimi qiymətləndirib.

Qeyd edək ki, Meksika ilə Amerika arasında min kilometr sərhəd xətti var. Ekspertlərin hesablarmalarına görə, bütün sərhəd boyu divar çəkilməsi üçün 12 milyard dollar vəsait tələb olunur.

İlhamə
Ölkə.Az