Əfqan Alanın işdən çıxarılmasının səbəbi bəlli oldu

Ölkə.Az "Hürriyet" qəzetinə istinadən xəbər verir ki, dünən gözlənilmədən istefa verən daxili işlər naziri Əfqan Alanın işdən çıxmasının səbəbi prezident Rəcəb Tayyib Ərdoğanın onun fəaliyyətindən narazı qalmasıdır.

Məlumata görə, 15 iyul hərbi çevriliş cəhdi zamanı daxili işlər naziri vətəni Ərzurumda olub və onunla əlaqə saxlamaq mümkün olmayıb.

Qəzetin yazdığına görə, ölkənin kəşfiyyat idarələrində fəaliyyət göstərən 7 min əməkdaşdan 6500 nəfərinin FETÖ-çü olması barədə xəbərlər də ölkə başçısının narazılığına səbəb olub.

Ölkənin yeni daxili işlər naziri təyin edilmiş keşmiş əmək və sosial müdafiə naziri Süleyman Soylunun 15 iyul gecəsi FETÖ-çülərə qarşı küçələrə çıxaraq, TRT televiziya kanalına gələrək, çevriliş cəhdinə qarşı mövqe nümayiş etdirməsi faktı ölkə başçısının diqqətini çəkib.

Dünən axşam prezident Rəcəb Tayyib Ərdoğan baş nazir Binəli Yıldırımla 25 dəqiqəlik söhbət etdikdən sonra baş nazir axşam saat 8-də jurnalistlərə daxili işlər naziri Əfqan Alanın istefa verdiyini, onun yerinə əmək və əhalinin sosial müdafiə naziri, Trabzondan millət vəkili seçilmiş,Süleyman Soylunun təyin edildiyini bildirib.

İlhamə
Ölkə.Az