Türkiyədə 820 hərbçi ordu sıralarından xaric edildi
Ölkə.Az türk mediasına istinadən xəbər verir ki, Türkiyədə Fətullahçı Terror Təşkilatı (FETÖ) ilə bağlı aparılan istintaq çərçivəsində Quru və Dəniz Qüvvələrinin 820 hərbi qulluqçusu ordudan xaric edilib.
Bu barədə Türkiyə Milli Müdafiə Nazirliyinin məlumatında deyilir.
Ordudan xaric edilən 820 hərbçidən 648 nəfərinin 15 iyul çevriliş gecəsindən sonra aparılan "təmizləmə" əməliyyatları çərçivəsində həbs olunduğu bildirilir.
Türkiyə Milli Müdafiə Nazirliyinin məlumatında deyilir: "FETO ilə bağlı aparılan istintaq çərçivəsində 820 əsgərin ordu ilə əlaqəsi kəsildi. Türkiyə Silahlı Qüvvələrində araşdırmalar diqqətlə davam etdirilir. Vətəninə və millətinə sadiq qəhrəman türk əsgərləri xidməti davam etdirir. Türk ordusu FETÖ-çü xainlərdən tamamilə təmizləndikdən sonra daha da güclənərək millətə xidməti davam etdirəcək".
