Tramp prezident seçilsə miqrantlara "qan udduracaq"

Ölkə.Az Rusiya KİV-lərinə istinadən xəbər verir ki, Respublikaçılar partiyasından ABŞ pezidentliyinə namizəd Donald Tramp Arizona ştatının Feniks şəhərində seçicilər qarşısında çıxış edərkən yenə gurultulu bəyanatlar səsləndirib.

O, prezident seçiləcəyi tədirdə qeyri- leqal miqrantların ölkədən çıxarılması məqsədi ilə xüsusi dəstələr yaradacağını, iki milyon qeyri- leqal miqrantı deportasiya edəcəyini bəyan edib.

Donalldt Tramp çıxışı zamanı rəqibi Hillari Klinton barəsində də hər zamankı kimi xoşagəlməz ifadələr işlətməyi unutmayıb.

"Mən Amerikada Hillari Klinton kimi ədalət məhkəməsindən yayınmağı bacarmış təhlükəli kriminal leqalların müəyyən edilib, ölkədən çıxarılması ilə məşğul olacaq xüsusi qrup yaradacam", deyə o bildirib.

Tramp immiqrasiya və vergi xidmətlərində çalışan əməkdaşların sayını azaldacağını vəd edib. Prezidentliyə namizəd vizaların verilməsi prosedurunu sərtləşdirmək təklifini də irəli sürüb.

İlhamə
Ölkə.Az