\"İraq hökumətinin Mosulun azad edilməsi üzrə planı yoxdur\"

Ölkə.Az "Anadolu" agentliyinə istinadən xəbər verir ki, İraqın keçmiş baş naziri, "Əl-Vətəniyə" koalisiyasının lideri İyad Əlləvinin fikrinə görə, ölkədə siyasi gərginlik getdikcə dərinləşir. Şiələr, sünnilər və kürdlər arasında siyasi mübarizə təhlükəli miqyasa çatıb.

Hökumətin Mosulu İŞİD-dən azad etmək çün planı yoxdur. Mən bu barədə baş nazirdən və digər yüksək rütbəli məmurlardan soruşanda onlar cavab verə bilmirlər. ABŞ, Böyük Britaniya və digər koalisiya dövlətlərinin də Mosulun azad edilməsi üzrə hərəkət planı yoxdur", deyə o "Anadolu" agentliyinə müsahibəsundə bildirib.

"Mosul azad edildikdən sonra qaçqınların öz evlərinə qaytarılması, müxtəlif dini cərəyanların nümayəndələrinin yaşadığı bu şəhərdə milli barışığa nail olmaq məsələsi aktuallaşacaq. Mən hökumətin üzvü olmadığım üçün əməliyyatın nə zaman başlayacağını deyə bilmərəm. Mosul coğrafi və demoqrafik baxımdan vacib əhəmiyyətə malik şəhərdir.

Əyər "Həşdi-Şəbi" (İraqdakı şiə müxalifət qüvvələri) Mosula daxil olsa, bu mənfi nəticələrə gətirib çıxara bilər. Odun üzərinə yağ tökmək lazım deyil. Qoy "Həşdi-Şəbi" ordunu arxa cəbhədən dəstəkləsin", deyə keçmiş baş nazir bildirib.

Onun sözlərinə görə, İran İraq ərazisində fəaliyyət göstərən bütün şiə qruplaşmalarını dəstəkləyir və bu qrupları "Həşdi-Şəbi"nin qanadı altına yığmaqla onlara qanuni xarakter verməyə çalışır.

"İran 2010-ci ildə seçkilərdə qələbə çalmağıma baxmayaraq hakimiyyəti mənim əlimdən almağı bacardı",- deyə keşmiş baş nazir vurğulayıb.

İlhamə
Ölkə.Az